மத் 1:19. அவள் புருஷனாகிய யோசேப்பு நீதிமானாயிருந்து, அவளை அவமானப்படுத்த மனதில்லாமல், இரகசியமாய் அவளைத் தள்ளிவிட யோசனையாயிருந்தான்.
For audio podcast of this Manna Today, please click the link, https://youtu.be/Fc2_lZ8LPGg
மரியாள் கர்ப்பமாக இருப்பதைப் பற்றி யோசேப்பு கேள்விப்பட்டபோது, இது அவளுடைய வயிற்றில் பரிசுத்த ஆவியின் இயற்கைக்கு அப்பாற்பட்ட செயல் என்பதை அறியாமல், அவர் ஒரு நீதிமானாக இருந்ததால், அவளை அவமானப்படுத்த விரும்பவில்லை. நீதியைப் பற்றி நாம் அனைவரும் இங்கே கற்றுக்கொள்ளக்கூடிய ஒன்று உள்ளது. ஒரு அநீதியான மனிதன் எப்படி நீதிமானாக முடியும் என்பதுதான் இந்த நற்செய்தியின் செய்தி. புதிய ஏற்பாட்டில் நீதிமான் என்று அழைக்கப்பட்ட முதல் நபர் யோசேப்பு. அவருடைய நீதி, மற்றொருவரின் பாவத்தை மறைக்க விரும்புவதோடு, அந்த நபரை அவமானப்படுத்தாமல் இருப்பது என்பதை நமக்கு காண்பிக்கிறது. இது தான் உண்மையிலேயே நீதிமானின் மனப்பான்மை.
ஒருவர் பாவம் செய்ததை நீங்கள் கேள்விப்பட்டால், உங்கள் உடனடி எதிர்வினை எப்படியாக இருக்கும்? நீங்கள் ஒரு நீதிமானாக இருந்தால், அதை மறைக்க விரும்புவீர்கள். நீங்கள் ஒரு அநீதியான மனிதராக இருந்தால், அதைப் பற்றி மற்றவர்களிடம் பேசுவீர்கள். இன்றைய அநேக விசுவாசிகளிடம் இருக்கும் ஒரு குணம், ஒருவரை பற்றி கேள்விப்பட்டவுடன், தொலைபேசியில் அவரைக்குறித்து மற்றவர்களிடம் பேசிவிடுகிறார்கள். பரிசுத்த ஆவி இல்லாத, புதிய உடன்படிக்கையின் கீழ் இல்லாத யோசேப்பு, மீண்டும் பிறந்ததாக கூறும் கோடி கணக்கான விசுவாசிகளை விட மிகவும் நீதிமானாக இருந்தார் என்பதை நாம் இங்கே காண்கிறோம். யோசேப்பு மரியாளை பற்றி அவதூறு பரப்பியிருந்தால், அவர் உண்மையை கண்டுபிடித்தபோது அவருக்கு ஏற்பட்ட வருத்தத்தையும் மனந்திரும்புதலையும் உங்களால் கற்பனை செய்ய முடியுமா?
மற்றவர்களை பற்றி நீங்கள் பரப்பிய கதைகள் பின்னர் பொய்யானவை என்று நீங்கள் கண்டறிந்தால், அவற்றை எவ்வாறு திரும்ப பெற முடியும்? ஏனென்றால், நீங்கள் அவர்களிடம் சொன்னவர் அதை மேலும் பத்து பேருக்கு பரப்பியிருப்பார், அவர்கள் அதை மேலும் பரப்பியிருப்பார்கள். எனவே புதிய ஏற்பாட்டின் முதல் அதிகாரத்திலேயே, நமக்கு ஒரு எச்சரிக்கை காணப்படுகிறது. மற்றவர்களின் பாவங்களை மூடுங்கள். அன்பு பல பாவங்களை மூடுகிறது என்ற வசனம் கூறுகிறது.
இயேசுவின் பிறப்பை நினைவுகூருகிற இந்த நாட்களில், நாமும் நீதிமானாக வாழ வேண்டும் என்ற தீர்மானத்தை எடுப்போம். மற்றவர்களின் பாவத்தை எவ்வளவுக்கு எவ்வளவு மூடுகிறீர்களோ, அவ்வளவுக்கு அவ்வளவு நீங்கள் நீதிமான் என்று அழைக்கப்படுகிறீர்கள்.
கர்த்தர் தாமே உங்கள் ஒவ்வொருவரையும் ஆசீர்வதிப்பாராக. ஆமென்.
Robert Jegadheesh. R
Word of God Church
Doha – Qatar
www.wogim.org